Plöntulíf

Hvað eyddi ég svo helginni í?
Skipulagðar, skynsamar manneskjur hefðu klárlega byrjað á ó svo mikilvæga verkefni fyrir viðtal hjá LHÍ! En ég? Stundum skynsöm, einstaka sinnum skipulögð, en nei. Í staðinn melti ég verkefnið, svo melti ég það aðeins meira, svo obsessaði ég í smástund, svo fór ég í nokkra rússíbana stresshnúta... svo kom bara blankó bíííííb í smátíma. Og þetta gerðist auðvitað aðeins í höfðinu á mér að öllum óvitandi svo strákarnir mínir vita ekki alveg hvað þeir eiga gera við mig. Oftast ákveða þeir að flýja alveg út af veginum eða vera alveg ofan í mér... það var sitt lítið af hvoru þessa helgina :)

En hvað GERÐI í um helgina? jú ég fór með ó svo EKKI grænu þumlana mína í eldús-pottaplöntu brask. Ég er með óbilandi þrjósku þegar kemur að plöntunum því mér finnst ósköp hlýlegt að vera með stórar grænar plöntur heima hjá mér, tala nú ekki um betri loftgæði og fínheit fyrir ofnæmis- og astmasjúklinga heimilisins. Svo langar mig að hafa kryddjurtir við hendina, mér finnst það algjör lúxus. Þetta var semsagt projekt helgarinnar:

#sjálfvökvandi pottur!
1. plastflaska
2. bómullarsnæri
3. dúkahnífur
4. mold & fræ


Þegar ekkert gengur að kveikja líf í þessum plöntum (hvað þá að halda þeim á lífi) þá er bara að prufa aaaallt! Svona lítur semsagt eldús og herbergisglugginn minn út:

 

 

Þarna eru semsagt samansafn að fræjum, kryddjurtir, blóm og grænmeti (nú hef ég raðað þessu hingað og þangað svo ég man varla hvað er hvað hehe)

Nú er bara að umpotta þessar tvær plöntur sem ég á til (þær hafa fengið "ódrepandi" titilinn á heimilinu) og svo sjá eftir 7-14 daga hvort e-ð grænt birtist upp úr pottunum!

P.S. þetta er ekki ennþá orðin þráhyggja, það er tæpt, en það er ekki alveg komið ennþá ;)

Damm damm damm daaaaaaaaaammm!

Ég fékk rétt í þessu boð um að koma í viðtal í Listaháskólann! Vúúhúúú! Eeeen! Sit nú límd við tölvupóstinn að bíða eftir því að sjá hvernig verkefni þau hafa skellt saman fyrir mig til að vinna og koma með í viðtalið! Takk Fyrir! Þetta verður stuuuð!

Eru komin nógu mörg upphrópunarmerki? Þarf fleiri??? hehe

luv*

Ding ding ding....

.... djóók!

bara prúfa :)

Comfort Zone!

Þá er komið nýtt blogg og nýjar áherslur! 

Nú er tími til að henda sér út í hin ýmis verkefni í sumar og svo sjáum við hvar ég enda í haust. Ég hef verið að skoða ýmis prógrömm í að efla sköpunar-hugsunina þá einkum í teikningu og ljósmyndum sem er eiginlega grunnurinn að allri myndrænni framsetningu. Nú æta ég á næstu vikum að setja saman smá “challenge” í mynd á dag = þ.e. teiknaðri eða ljósmynd og setja saman lista af áhugaverðum efnum til að skoða og kveikja í fleiri og frekari verkefnum í kjölfarið. Ég er þegar byrjuð á nokkrum! En svo fer allt á fullt í júní!

Síðustu vikuna fyrir skil á möppu í Listaháskólann tókst mér loksins að setjast almennilega við teikniborðið eftir ítrekaðar tilraunir síðustu 14 árin og það var helst örvæntingin yfir nýju efni í möppuna sem rak mig til þess að leggja mig eitthvað fram. Ég komst loksins út úr þægindakassanum mínum og teikningarnar runnu á blaðið án mikillar (sem kom mér mikið á óvart) fyrirhafnar. Hérna eru nokkrar þeirra og eru allt efni sem ég hef verið að melta lengi enda erfið viðfangsefni. Þær eru blanda af  skönnuðum teikningum og myndum sem ég skeytti saman og vann í tölvunni lítillega en hélt þó skissu-áferðinni. Þær fengu enga frekari vinnslu vegna tímaskorts og ég hef ekki ennþá fundið út hvernig ég ætla að útfæra þær endanlega og það eru nokkrar aðrar hugmyndir í þessum efnum sem ég ætla reyna koma "út" líka. Ég elska einfaldlega tilfinninguna þegar mér finnst ég ekki einu sinni vera með meðvitaða hugsun við það sem ég er að gera heldur stjórnar sköpunargleðin og innblásturinn algjörlega og ég rétt ranka við mér í lokin og sé afraksturinn -þessar teikningar voru þannig og komu mér loksins af stað og ég vil fyrir alla muni halda því gangandi og sjá hvar það endar!

Barnið í bátnum, 2013. Sýn munaðarlausa barnsins á heiminn.

Innantóm, 2013. Legnám í kjölfar keisara.

Framleiðslugalli, 2013.  Ófrjósemi.

Hérna hendi ég semsagt inn þessum myndum, verkefnum og pælingum til að halda mér við efnið og verður þetta blogg meira low profile en það á að vera hægt að skrifa e-mail hérna að ofan ef þið viljið fá sjálfskrafa póst þegar e-ð nýtt dettur inn... hvernig og hvort þessi fítus virkar hef ég samt ekki hugmynd :)

Auk þess verður svo auðvita e-ð raus og lífið og veginn enda stormasamt ár með meiru á þessum bæ. Ég hef fengið svakalega góð viðbrögð við blogginu hingað til og þá einna helst viðkvæmari málefnum sem mig langar að fjalla opinskátt um ( hluti af því að komast einmitt úr comfort zóninu) það er alltaf gaman að heyra þegar fólk tekur e-ð frá þeim með sér og ég vill þakka ykkur öllum fyrir það!

Helstu topik eru semsagt eftirfarandi:

ljósmyndir - teikningar - verkefni

Ættleiðingaferlið 

Staðgöngumæðrun

Ófrjósemi

Mig og mína

Endalaus markmiðasetning

Föndur & dútl heimafyrir

o.s.frv.

Þegar ég finn út úr þessu bloggi og hvar ég get sett færslur í catagoriur þá verður þetta ofsalega skipulagt en þar til verður þetta bara í belg og biðu eftir hendingu.

Allt feed-back er að sjálfsögðu endalaust vel þegið, tala nú ekki um á teikningar og verkefni :)